فراخ بانية

السلام عليكم ورحمة الله وبركاته

كثر الحديث عن سر قرمشه فراخ كنتاكى, وانا جربت وصفات كتير ولكن ابدا ما اعطت نفس القرمشة المطلوبه
وفى
احد الايام كنت جائعه ولم يكن لدى بيض فى المنزل وكان لدى قطع فراخ ( من
الكسل لم اذهب لشراء البيض ههههههه) المهم عملت حركة والله كانت رهيبه
وناجحه جدا واعطتنى نتيجه هايله
1- هاتى بصله متوسطة واضربيها فى كوب ماء فى الخلاط( طبعا تقطعى البصله قبل ما تحطيها فى الخلاط)
2-
هاتى كيس خلطة توابل للفراخ( فيجيتار او كنور او اى خلطة فراخ تحبينها-
انا استخدم فيجيتار الحار- اخلطى الخلطه الجاهزة على حبة دقيق لانها عاده
تكون مالحة جدا)
(لو ماعندك خلطه فراخ جاهزة يمكن استبدال الخلطة
الجاهزة ب بهارات وفلفل اسمر و كمون و ملح وحبه شطة بس كترى البهارات
وحطيهم على حبة دقيق)
3-انقعى شرائح الفراخ فى ماء البصل ( توضع فى طبق غويط وتغطى بماء البصل)
4-
خذى قطعة الفراخ من ماء البصل - اجعليها متشبعه بماء البصل- ثم ضعيها فى
طبق الخلطة بالدقيق لتأخذ وش وعندما تمتلى قطعة الفراخ بالخلطة بتاعت
الدقيق ضعيها مره اخرى فى ماء البصل ثم مرة اخيرة فى طبق الخلطة لتأخذ وش
تانى وبذلك تكون اخذت وجهين من الحلطه ثم توضع على النار فى زيت ساخن (
بدون بيض - بس ظبطى الملح وانا اعملها بدون اضافة ملح للفراخ لان خلطة
الفراخ الجاهزة تكون مالحه)
اقسم بالله تطلع من الزيت منفوشه ومقرمشه
ولونها
دهبى وهم, ولا تحتاج ليومين فى الثلاجه لنقعها فى بصل ولا شئ 5 دقايق فقط
وبتكون جاهزه وياسلام لو عيش فينو و جبنه رومى وكاتشب وخيار مخلل وساندوش
(((((ايوه)
جربوها وهتدعولى اقسم بالله خطيرة

يمييييييييييي روووووووعه تسلمي

الله يسلمك

شكرا ع مرورك نورتيني ونورتي الموضوع

الموضوع اكثر من رائع تسلمي